Woh zamaana gaya jab car ke centre console par har function ke liye separate buttons hote the. Aaj-kal ki modern cars ek digital touchscreen panel par hi saari cheezein manage kar leti hai. Centre console mein jo touchscreen infotainment system hota hai na, woh sirf interior ko stylish look hi nahi deta, rather temperature control, music system, calls receive/karna, all-in-one sab kuch handle karta hai.
"Modern cars ke cabins mein ab digital surfaces ka kaafi focus badh gaya hai, or usmein touchscreen infotainment ek main feature ban chuka hai. Kuch car makers toh level hi upgrade kar rahe hai by giving triple-screen-setup, ek centre touchscreen infotainment, ek fully digital instrument cluster, or ek passenger-side front touchscreen. Poora hi digital experience ho jaata hai.
"Badi badi in-car touchscreen aajkal cabins ko stylish toh bana deti hai, but saath hi driver distraction bhi kaafi badha deti hai. Touchscreen infotainment system mein physical buttons ke comparison mein zyada 'eyes-off-road' time lagta hai. Isse driver ka reaction time itna slow ho sakta hai ki kabhi-kabhi drunken driving se bhi zyada risky ho jata hai.
Massive touchscreens result in serious concerns for public safety
Touchscreen infotainment systems mein driver ko road se focus hataana padta hai, because virtual buttons dhoondhne aur tap karne padte hai, aur inme koi tactile feedback bhi nahi hota, jisse touch ya muscle memory se operate kar sake. On the other hand, 2 sec road se focus hatna bhi crash hone ke chances kaafi badha deta hai, highway ho ya city.
Bohot saare touchscreen systems mein basic functions itne deep menus ke under hidden hote hai ki driver ko simple cheezein karne ke liye bhi multiple screen navigate karni padti hai. Is wajha se touchscreens par simple task bhi physical buttons ke comparison mein zyada time leta hai. Jaise, cabin ka temperature change karna ya audio volume adjust karna touchscreen se 2-4x zyada time leta hai compared to physical controls.
Isme press ka feel ya click sound nahi milta, toh driver ko pata hi nahi chalta ki input register hua ya nahi. Means unhe road se nazar hataake dekhna padta hai, jo ki safe nahi hota.