MG Cyberster ke baare mein kaafi hype chal rahi hai since usse pehli baar Auto Expo 2025 mein dikhaya gaya tha. Ab finally humein mauka mila India ki pehli convertible EV ko race track pe experience karne ka — aur yahaan hai humara pehla impression.
Exterior design and engineering of the MG Cyberster
Yeh car apne scissor doors or classic roadster style ke saath full attention grab karti hai. Iska soft-top sirf 10sec mein open ya close ho jaata hai, or do color options mein milti hai, stylish or convenient dono.
MG keh raha hai Cyberster yeh unki 1960s wali MG B roadster ka "spiritual successor" hai, but honestly, dono ka design ekdum different hai, cyberster ka look kaafi sleek or mordern hai, smooth lines ke saath or ekdum cohesive design. sabse standout feature same as the Lamborghini-style electrically operated scissor doors, bas inhi doors liye buyers showroom tak aa jaayenge.
Long bonnet usse woh classic roadster vibe deti hai, or aerodynamic design bhi solid hai. sirf 0.26 drag coefficient, and the 20-inch alloys is also look very stylish, especially with those polished edges. Bas ek cheez thodi off lagti hai, woh arrow-shaped tail-lights, jo other cars ke design se match nahi karti. Anyways, looks or design subjective topic hai bhaut logo ko passand aayega or bhaut logo ko nahi.
Cyberster ka ek or cool feature yeh hai ki yeh ek two-seater convertible hai. Iska fabric soft-top roof sirf 10 sec mein open ya close ho jaata hai, or time ise 50kmph tak ki speed par bhi operate kar sakte hai. Color options bhi kaafi stylish hai, red or yellow ke saath milta hai black roof, aur grey or beige shades ke saath milta hai red roof.
Performance and improvement of the MG Cyberster
Iss car mein 510hp ka power hai, AWD system offer kiya gaya hai, 0 se 100kph tak sirf 3.2 sec mein reach kar leti hai, Aur haan- iska battery pack sirf 110mm thick hai, means industry ka sabse thick battery pack hai.
Yeh kuch stats MG Cyberster ke baare mein- 510hp, 725Nm torque, or sirf 3.2 sec mein 0-100kph top speed hai 200kph, means ab tak ki sabse fast MG. Isme dual-motor setup hai, ek har axle par, AWD milta hai (Overseas country mein RWD version bhi milta hai). Performance toh seriously solid hai. Three drive modes or ek boost mode bhi milta hai just as a fun.
Dual-motor setup ek 77kwh Nickel Manganese Cobalt battery se power leta hai, jo floor ke under fit ki gayi hai. Yeh battery pack world ka sabse slim bataya jata hai, sirf 110mm, jisse car ki packing improve hoti hai or centre of gravity bhi kaafi low ho jaata hai. That's the reason ke low-slung sports car or bhi planted feel hoti hai.
MG Cyberster Range
77kwh ki battery claimed range approx. 580km hai.
Jo AWD (All wheel Drive) version hai wo 77kWh battery ke saath offer kkiya jata hai, uski claimed range MIDC cycle ke according yeh 580km claim karta hai. Battery ko 10 se 80 percent tak sirf 40 min mein charge kiya ja sakta hai, wo bhi 144kW DC fast charger se.
Comfort and interior space of the MG Cyberster
Interior ka finish kaafi accha hai or comfortable bhi lagta hai, driver-focused layout sporty feel deta hai, but kuch cheezein thodi disappointing lagti hai.
Interior ki baat karein toh, yeh ekdum sporty or driver-focused feel deta hai, saare controls or screens aapke ass-pass hi centered hai. Sabse impressive cheez hai cabin ka interior material quality or fit-finish ekdum premium lagti hai. Seats bhi kaafi comfy hai, achhi upholstery ke saath or dekhne mein bhi stylish. Bas ek chhoti si baat hai, seating position thodi high lagti hai sportscar ke hisaab se, or yeh under-floor battery ki wajah se hai.
Yahan pe total 4 screen milti hai, ek digital driver ke liye, do uske dono sides par touchscreens, or uske neeche center console mein. Screens ka graphics kaafi clean or modern lagta hai, bas ek chhoti si problem hai, steering ke peeche thoda part dono side ke screens ko hide kar deta hai. Storage space bhi zyada nahi hai, sirf seats ke peeche thoda sa, ek glovebox or ek chhota cubby armrest ke under. Cyberster ka boot size decent hai, but frunk (front frunk) na hone se thoda disappointment hata hai.
Cyberster ek sportscar hai aakhir, or sportscars ka kaam hi practical hona nahi hota. Toh yeh chhoti-moti kamiyaan itni badi deal-breakers nahi hogi.
Features and Safety of the MG Cyberster
4 screens, Bose ka audio system, 4 airbags or ADAS features- Bas wireless connectivity missing hai iss car mein.
Features ki baat karein toh MG cyberster mein kaafi premium cheezein offer ki gayi hai, jaise auto LED headlamps, 8-speaker Bose audio system, 7-inch touchscreens, powered seats, dual zone climate control, ambient lighting or bhi kaafi kuch.
but haan, isme wireless smartphone integration or wireless charger dono missing hai. Safety side pe bhi car solid hai, iss car mein milte hai 4 airbags, traction control, TPMS, 360-Degree camera, har wheel pe disc brakes, driver fatigue detection, or camera based ADAS features jaise adptive cruise control, etc.
MG Cyberster's price and verdict
Yeh ek bilkul unique proposition hai humare market mein, full on wow factor.
MG Cyberster ki price Rs.74.99 lakh (introductory, Ex showroom) hai, or yeh MG ke naye select showrooms ke through milti hai. Yeh ek kaafi unique segment mein aati hai, jiska sabse competitor hai BMW Z4 petrol, jiska price hai Rs.93 lakh.
Well kuch drawbacks bhi hai, interiors ka ergonomics or storage space thoda or better sakta hai. Aur haan, iska low ground clearance Indian roads pe kaise handle karta hai, wo dekhna padega. But still, Cyberster ke pass kaafi kuch hai show karne ke liye. Scissor doors or convertible roof ki wajah se iska wow factor solid hai, performance bhi acchi hai or interiors bhi kaafi premium feel dete hai. Agar aapko ek weekend car chahiye jo sabki nazar khinch le or top-down driving ka maza de, toh Cyberster definitely try karne worth hai.
On-road Price: Rs 78.80 Lakh
(These Prices are on road Delhi, prices are vary to different cities)
Image Courtesy: Mint