2020 men jab se India mein electric vehicles ka boom start hua hai, first time aisa ho raha hai ki calendar year ki EV sales mein koi non Tata car top par ja rahi hai. Industry ke January-November 2025 sales data ke according, na Tata Motors ki Nexon EV or na hi Punch EV. Rather MG Windsor sales charts lead kar rahi hai.
Ab tak JSW MG Motor India ne Windsor ke 43,139 units sell kar diye hai, jo Nexon EV (22,878 units) or Punch EV (14,634 units) dono ko mila ke bhi double se zyada hai.
September 2024 mein jab Windsor launch hui thi, tab usme 38kWh battery or 332 km ka ARAI certified range tha. But real game tab change hua jab May mein bigger battery wala version market mein introduce hua, 52.9kWh battery ke saath 449 km range.
May se pehle sales average 3,000 units per month se bhi less thi, but uske baad se consistently 4,000 units se zyada chal rahi hai. Or September mein toh sales ne 4,741 units ka high touch kar liya.
Revolutionizing BaaS
Analyats ke according, carmaker ke Battery as a Service (BaaS) scheme Windsor ke liye kaafi beneficial or game changing prove hui.
Jaise ki, 52.9kWh variant jo May mein launch hua tha, uski upfront price Rs 17.49 lakh thi. But BaaS ke saath wahi car Rs 12.49 lakh mein mil rahi hai thi, plus Rs 4.5 per km driving charges.
Ek Gurgaon based dealer ne FE (Financial Express) ko bataya, "Ye Rs 12.49 lakh wali price most of the customers ko showroom tak le aayi, chahe end mein most of the buyers ne car upfront hi purchase ki".
Us time Hyundai Creta Electric ki price 42kWh variant ke liye Rs 17.99-20.88 lakh thi, or 51.4kWh variant Rs 21.49-24.38 lakh mein aati thi. Tata Curvv EV bhi Rs 17.49-21.99 lakh ke range mein thi, 45 or 55kWh options ke saath. Aur interesting baat ye thi ki ys BaaS price Nexon EV jaise small EVs se bhi affordable thi.
Haan, ek or cheez jo Windsor ke favour mein gayi, woh yeh hai ki Creta Electric jaise models EV buyers ko zyada like nahi aaye. Ab tak Hyundai India is highly anticipated car ki sirf 7,663 units hi sell kar paayi hai.
And yes, This year Mahindra EV space mein ek major player ban kar grow hua hai, XEV 9e or BE 6 ko mila ke 38,841 units sell ho chuki hai, but yeh models Windsor ke comparison mein kaafi bulky or expensive hai, isliye inn models ki demand comparatively thodi low rehti hai.
New market leader, But Tata still dominates
2025 se pehle tak, EV sales charts mein hamesha koi na koi Tata ki car hi top par hoti thi.
India mein EVs ka craze tab start hua jab Tata Motors ne January 2020 mein Nexon EV launch ki. Us year approx. 4,000 EVs sold hue, unmein se Nexon EV ka hi biggest share tha, around 2,600 units.
Car ne 2021 mein apni position or strong kar li, jab total market approx. 14,000 units ka tha or isne thode se zyada 9,000 units sell kiye.
2022 mein Nexon EV ki sales approx. 30,000 units tak touch kar gayi thi, or uske baad Tigor EV market mein introduce hui.
Tata Motors ne Tiago EV ki deliveries January 2023 se start ki thi, or iss entry level car ne Nexon EV ko beat kar diya tha sales numbers mein, approx. 35,000 units sell karke. Anyway 2023 EVs ke liye kaafi successful year tha, because MG Comet, Citroen eC3, Mahindra XUV400 or BYD Atto 3 jaise kaafi new EVs launch hue the.
2024 mein EV sales first time 1 lakh units figure mark ko cross kar gayi (total 1,06,966 units), or sabse zyada sell hone wala model thi Punch EV, jiske 22,724 units sale hue.
Haan, par 2025 first time aisa hoga jab apart from Tata or koi model sales charts ke top par hoga, or woh hoga Windsor.
However, overall EV sales ki baat karein toh Tata Motors top pe hi rahegi, simply because unke pass models ki range kaafi vast hai. Punch, Nexon, Tiago, Tigor, Curvv or Harrier ke EV versions collectively this year approx. 71,754 units sell ho chuke hai.